പണിഷ്മെന്റ്

ആരോടും പറയാതെ 

വെയിലൊരിക്കൽ വെള്ളം കുടിക്കാൻ പോയി.

അപ്പോഴാണ് 

വർഷം ആ... വേക്കന്സിയിലേയ്ക്ക് 

പ്രേവേശിക്കുന്നത്.

പിന്നെപിന്നെ 

അത് 

തണുത്തുതണുത്ത്

മഴക്കാലത്തിന്റെ പുതപ്പിനുള്ളിലേയ്ക്ക് 

ഇറങ്ങിപ്പോയി.

ഒരിക്കൽ 

വെയിലിനെ വഴിയിൽ കണ്ടപ്പോൾ 

ആരോ ചോദിച്ചു, 

എവിടെയായിരുന്നു ഇത്രയും കാലം???

വെയിൽ പറഞ്ഞു:

വരും വഴിക്ക് ചെറിയൊരേക്സിഡന്റ്  

കുറേക്കാലം ഹോസ്പിറ്റൽ, റെസ്റ്റ് 

ജോലിപോയില്ലേ??? 

പിന്നെയും ചോദ്യം

അതിനു മറുപടിയായി 

വെയിൽ രണ്ടടി പിന്നിലേയ്ക്ക് മാറി 

തോൽച്ചെറിഞ്ഞു മുന്നോട്ടാഞ്ഞ്  പറഞ്ഞു 

"Every  dog  has a  day "

വെയിൽ വെള്ളം കുടിക്കാൻ 

പോയതായിരുന്നത്രെ